Құрмет төрінде – Профессор Реза Монтазами
Инженерия және цифрлық ғылымдар мектебі жуырда Назарбаев университетіндегі қызметтік жолын тәмамдаған Профессор Реза Монтазамиге қажырлы еңбегі үшін жүрекжарды ризашылығын білдіріп, сәт-сапар тіледі.
Профессор Реза Монтазами – Айова мемлекеттік университетіндегі Машина жасау кафедрасының доценті және Корольдік химия қоғамының мүшесі. Оның ғылыми ізденістері негізінен функционалдық материалдар, электронды және иондық полимерлер, жұмсақ электроника мен биоэлектроникаларға арналған. 15 жылдан астам функционалдық полимерлерді зерттеу тобында студенттерге тәлімгерлік ету тәжірибесі бар. Ол өз тобымен бірге рецензияланған журналдарда 70-тен астам мақала жариялады. Олардың көпшілігі BBC, CBS, NBC, Forbes және Scientific America сияқты беделді халықаралық БАҚ-та жарияланды.
Профессор Механикалық және аэроғарыштық инженерия кафедрасына 2022 жылдың көктемгі семестрінде шақырылған болатын. Осында өткізген алты айда ол жаңа ортаға тез кірігіп, әріптестерімен ынтымақтастықта университеттің жұмысына елеулі үлес қосты. Реза екі бірлескен зерттеу жобасына қатысты. Оның Назарбаев университетімен бірігіп жазған ғылыми мақаласымен төмендегі сілтеме арқылы танысуға болады.
Сонымен қатар, профессор Резаның маңызды өмірлік жетістігі – әріптестері мен студенттерінің шексіз құрметі. Механика және аэроғарыштық техника кафедрасының меңгерушісі, профессор Эссам Шехаб Реза Монтазамидің еңбексүйгіштік қасиетін айырықша атап өтті.
Оқытушы ассистенті Айбек Шоқаев оның кафедраға қосқан үлесін айтып, бұдан әрі де ынтымақтастықта боламыз деген үмітін білдірді.
«Өткен семестрде профессор Монтазамидің жетекшілігімен жұмыс істеу мен үшін үлкен қуаныш болды. Профессор өзін тек ғалым ғана емес, сонымен қатар оқу үдерісін жақсартуға қауқары көп ұстаз ретінде де танытты. Мен студенттеріміздің профессор Монтазамидің қажырлы еңбегін жоғары бағалағанына сенімдімін. Біздің кафедраның беделді университеттерден мол тәжірибесі бар профессорларды тарта алғанына қуаныштымын және бұдан әрі де ынтымақтастықта боламыз деген үміттемін», – деді Айбек Шоқаев.
Профессор Реза Монтазамиден дәріс алған Бейбіт Жарылқасын оның өз жұмысына деген ынта-жігері мен мен қолдауына алғысын жеткізді.
«Бізге оның оқыту әдісі ұнады. Профессор Реза зерттеу жұмыстары барысында бағыт-бағдар беріп, ақыл-кеңесін аямады. Қолдау көрсеткеніңізге көп рақмет! Біз көп нәрсені үйреніп, сіздің берген біліміздің пайдасын көре алдық», – деді Бейбіт Жарылқасын.
НУ журналындағы макаласы:
https://www.sciencedirect.com/science/article/pii/S0956566322004584?dgcid=coauthor
