30 қаңтарда Назарбаев Университетінде "NU women in engineering" атты жаңа әлеуметтік клубтың бірінші отырысы өтті. Клуб инженерлік істе, әсіресе Қазақстанда және бүкіл әлемде әйелдердің рөлін танымал етуге арналған.

"Негізінен, "инженерияда ерлер басым" стереотипті көрініске байланысты, инженерия саласында әйелдер саны жиі жеткіліксіз. Алайда, адамзат тарихында және қазіргі уақытта, әйелдердің инженерлік салаға қосқан үлесі айтарлықтай. Бүгінгі күні инженерия саласында жұмыс істейтін жаһандық ұйымдардың көпшілігі әйелдердің қазіргі заманғы инженерияға қажетті арнайы дағдыларына байланысты жұмысқа алады" – клуб президенті Мадина Мулукова.

Сонымен қатар, шақырылған баяндамашы ретінде іс-шараға ақұрылысжәне экологиялық инженерия кафедрасының ассистент профессоры Мария Цакалеру шақырылды. "Барак Обама сияқты әлемдік көшбасшылардан әйелдердің құқықтары мен мүмкіндіктерінің кеңеюі мен бүкіл әлемдегі әйелдердің көшбасшылығы туралы сөздерін естігенде таң қаларлық. Менің ойымша, әйелдердің инженерлік істе де жарқыраған уақыт келді", - деді Мария Цакалероу. Сонымен қатар, Мария клуб мүшелерімен өзінің халықаралық тәжірибесімен бөлісіп,  оларды ынталандырды.

Клуб инженерлік істе болашақ және қазіргі әйелдер үшін желілерді дамыту, инженерлік істі әйелдер үшін әлеуетті мансаптық жол ретінде жылжыту, тәжірибе алмасу үшін баяндамашыларды шақыру, сондай-ақ көшбасшы әйелдерді жылжыту сияқты көптеген функцияларды қамтитын платформа болуды жоспарлап отыр.