NU SEDS-тің 100-ден астам студенті ең жоғары жетістіктерге қол жеткізіп, «Декан тізіміне» енді
NU SEDS «Декан тізімі» рәсімінде 107 үздік студент марапатталды.
2022 жылдың 4 қарашасында НУ Инженерия және цифрлық ғылымдар мектебінде (NU SEDS) ерекше академиялық жетістіктері үшін «Декан тізіміне» енген студенттерді марапаттау рәсімі өтті. Салтанатты шара университеттің бал залында Мектеп деканы Василиос Турассис, Декан орынбасары Елизавета Архангельская, Әкімшілік директор Тоғжан Нұрмағанбетова және NU SEDS кафедра меңгерушілерінің қатысуымен өтті.
Мектеп деканы, профессор Василиос Турассис алғы сөзінде үздік студенттерді жетістіктерімен құттықтап, оларға «Декан тізімі» сертификаттарын табыс етті.
2022 жылдың көктемгі семестрі бойынша «Декан тізіміне» 107 студент енді.
Бұл марапат 4,00-ден 3,75 немесе одан жоғары академиялық жетістігі бар студенттерге беріледі.
«Декан тізімі» – қажырлы еңбек пен табандылықты қажет ететін жоғары жеке жетістік болып саналады.
Студенттерімізге академиялық және мансаптық биіктерге жету және ерекше оқу үлгеріміне ұмтылу жолында табыс тілейміз.
