Жаңа студенттерді бағдарлау: NU SEDS-ке биыл 700-ден астам жаңа студенттер қабылданды
Назарбаев Университетінде соңғы екі жылда алғаш рет жаңа студенттерге бағдар беру апталығы өтті. Дәстүрлі бағдарлау апталығы биыл 8 тамызда басталып, 12 тамызға дейін жалғасты.
НУ бағдарлау апталығы – оқу жылының басындағы кезең, оның барысында бірінші курс студенттерін университеттің білім беру ортасына бағдарлау және интеграциялау үшін әртүрлі іс-шаралар өткізіледі. Апталықтың бағдарламасы бай және жан-жақты болды, оның ішіне таңертеңгілік дене шынықтыру сессиясы мен әлеуметтік және мәдени шаралар кірді. Бұл іс-шаралар қатарында NU SEDS зертханалары мен университет кітапханасына экскурсиялар, интеллектуалдық сайыс, спорттық жарыстар және концерттік бағдарламалар болды. Бағдар беру апталығы аясында студенттер үшін пайдалы ақпараттық сессиялар өткізілді, онда NU SEDS өкілдері мектеп саясатын түсіндірді, ал факультеттің өкілдері өз бағдарламаларын таныстырды. Сондай-ақ таныстыру аптасында студенттер NURIS FABLAB кеңсесінде жобалардың қалай жасалатынын білді. Студенттерге ыңғайлы болу үшін Назарбаев Университетінің барлық департаменттерінің жәрмеңкесі де өткізілді, онда олар оқуға және университет тарапынан берілген мүмкіндіктерге қатысты өз сұрақтарын қоя алды.
Биыл NU SEDS-ке 776 жаңа студент қабылданды. Оның 567-сі бакалавриат, 201-і магистратура, 27-сі докторантураға түсті. NU SEDS-ке қабылданған халықаралық студенттер саны 39 болды.
НУ-дың жаңа студенттері оқуды 15 тамызда бастады. Біз NU SEDS қауымдастығының барлық мүшелерін, соның ішінде жаңа студенттерді жаңа оқу жылының басталуымен шын жүректен құттықтаймыз. Құрметті бірінші курс студенттері, SEDS-те оқыған жылдарыңыз өмірлеріңіздегі ең жарқын жылдарға айналсын!
