NU SEDS ғылыми-зерттеу қызметін белгілі қазақстандық ғалым Асқар Жұмаділдаев жоғары бағалады
2023 жылдың 11 сәуірінде қазақстандық атақты ғалым, математик, Қазақстан ҰҒА академигі, ҚР Президенті жанындағы Ғылым және технологиялар жөніндегі Ұлттық кеңестің мүшесі, профессор Асқар Жұмаділдаев Назарбаев Университетіндегі Инженерия және цифрлық ғылымдар мектебіне қарасты Химиялық инженерия және материалдар технологиясы кафедрасының профессоры Нұршат Нұраженің ғылыми-зерттеу зертханасын аралап көрді. Президент Қасым – Жомарт Тоқаевтың төрағалығымен өтетін ұлттық кеңестің кезекті отырысына дейін болған кездесуге НУ-дегі Жаратылыстану әлеуметтік және гуманитарлық ғылымдар мектебіндегі Математика кафедрасының профессоры Манат Мұстафа да қатысты.
Профессор Нұршат Нұраже атақты ғалымға өзінің жаңартылатын энергия көздері саласындағы зерттеулері мен Назарбаев Университетіндегі озық ғылыми орталықтарды таныстырды.
Атап өтейік, Инженерия және цифрлық ғылымдар мектебінің профессоры Нұршат Нұраже де ҚР Президенті жанындағы Ғылым және технологиялар жөніндегі Ұлттық кеңестің мүшесі.
Асқар Жұмаділдаев Назарбаев Университетіндегі ғылыми-зерттеу орталықтары мен ғылыми-зерттеу жұмыстарына тәнті болып, жоғары бағасын берді.
