Назарбаев Университетінің инженерия және цифрлық ғылымдар мектебінің студенттері электрохимиялық материалтану бойынша халықаралық олимпиаданың жеңімпазы атанды.
Магистранттар Әсел Серікқаева, Еркежан Еркінбекова, Ақтілек Ахметова және докторант Нұрбол Толғанбектен құралған «Иондар» командасы электрохимиялық материалтану бойынша халықаралық олимпиадаға қатысты. Қатысушылар Израиль, Франция, Ресей және Қазақстаннан болды.
Бұл байқауды ҚР Білім және ғылым министрлігі ұйымдастырды және оны әл-Фараби атындағы Қазақ ұлттық университетінің электрохимиялық өндіріс технологиялары зертханасы өткізді. Олар 4 сағаттық онлайн телеконференцияда электрохимиялық және материалтанумен байланысты үш эксперименттік жұмысты шешу арқылы бірінші орынды жеңіп алды.
Ұйымдастырушылар біздің студенттердің тамаша жұмыс атқарғанын және талап етілгеннен де көп орындағанын хабарлады. Оның үстіне, біздің студенттер бұл жарыс туралы Олимпиадаға санаулы күндер қалғанда хабардар болды.
«Иондар» командасының барлық мүшелері профессор Бәкеновтың жетекшілігімен Назарбаев Университетінің батареялар тобында жұмыс істейді және Назарбаев Университетінің Инженерлік және цифрлық ғылымдар мектебінде химиялық инженерия және материалтану мамандығы бойынша оқиды.
Біз команда мүшелеріне Олимпиадаға қатысты бірнеше сұрақтар қойдық.
Нұрбол Толғанбек: Негізі, команда жарысқа санаулы күндер қалғанда жасақталған. Бірақ бізде материалдарды синтездейтін батареялармен тәжірибе болғандықтан, бұл қиын емес еді.
Біздің университетте қажеттінің бәрі бар болғандықтан, химиялық заттар мен жабдықтарға қатысты ешқандай қиындық көрмедік, біз мұны бағалаймыз.
Жалпы, біз барлық тапсырмаларды орындап, жеңіске сенімді болдық. Тапсырмаларды бөліп, есептерді жазу кезінде төрт адамның болуы бізге көп көмектесті.
Соның нәтижесінде үздік баяндама байқауында да жеңімпаз атандық.
Қорытындысында біз ең жақсы есеп алдық, сонымен қатар біз ең үздік есептер байқауын жеңіп алдық.
Ақтілек Ахметова: Бұған дейін мен жігіттермен бірге жұмыс істемейтінмін және ешқандай тапсырма орындамайтынмын, сондықтан бірлескен жұмысымыз жақсы үйлесетінін білмедім. Дегенмен, жеңіске ұмтылған 4 адам тапсырмаларды тиімді ұйымдастырып, тарата алатыны анықталды. Сондықтан еңбекқор әрі өршіл әріптестеріммен бір командада болу мен үшін мәртебе болды.
Негізгі міндет электрохимия мен материалтану бойынша барлық білімді түсіну болды. Бұл олимпиада есептерін шешудің ең қолайлы әдістерін жылдам таңдауға мүмкіндік берді. Қиындық тек шектеулі уақытта болды.
Біздің студенттерімізді осындай жетістікпен құттықтаймыз! Біз сендерді мақтан тұтамыз!
