Жаңалықтар
Өткізіп алмауға кеңес беріледі! Шара әсіресе, НУ қабырғасында ғылыммен айналысқысы келетіндер үшін айырықша құнды болмақ. НУ Инженерия және цифрлық ғылымдар мектебі 10-14 сәуір аралығында алғаш рет SEDS зерттеу апталығын өткізеді.
5 күн ішінде сіздер SEDS зерттеу жобалары көрмесінде SEDS-тің ғылыми зерттеу қызметімен таныса аласыздар. SEDS-тегі ғылыми ассистенттерге арналған бос жұмыс орындар жәрмеңкесінде бізге қалай жұмысқа тұруға болатынын білесіздер және қолжетімді ғылыми мүмкіндіктер туралы ақпарат аласыздар.
Университеттің NU ISSAI (Ақылды жүйелер мен жасанды интеллект институты) және NURIS Fab Lab (Цифрлық прототиптеу зертханасы) сияқты ғылыми орталықтарына барып, олардың бірегей жобаларын өз көзіңізбен көресіз.
Бұдан бөлек, сізге 3D принтер, лазерлік машина, плоттермен қалай жұмыс істеу керектігі және жібекке сурет салу тәсілі көрсетіледі әрі үйретіледі.
Ең бастысы, сізге ғалымдар ғылыми жаңалықтар ашатын ғылыми зертханаларға кірудің бірегей мүмкіндігі беріледі.
Апта TED стиліндегі интеллектуалды кешпен аяқталады. Онда NU SEDS-тің ең мықты профессорлары ғылымда табысқа жету жолдары туралы бірегей идеяларымен бөліседі.
Есіңізде болсын, апта ішінде сіз NU SEDS-тің естелік сыйлықтарын ұтып алу мүмкіндігіне ие боласыз.
